Best Viewed in Mozilla Firefox, Google Chrome

వానబీభత్సం.. వరిపంటలకు తీవ్రనష్టం

PrintPrintSend to friendSend to friend

సాక్షి నెట్‌వర్క్: బంగాళాఖాతంలో ఏర్పడిన వాయుగుండం ప్రభావంతో సీమాంధ్ర జిల్లాల్లో ఎడతెరిపి లేకుం డా వర్షాలు పడుతున్నాయి. ఈ వర్షాల కారణంగా వేలాది ఎకరాల్లో వరి, పత్తి, వేరుశనగ, టమాటా తదితర పంటలకు తీవ్రంగా నష్టం వాటిల్లింది. చేలల్లోకి నీరు చేరడంతో చెరువుల్లా మారాయి. సోమవారం రాత్రి నుంచి కురుస్తున్న భారీ వర్షంతో తూర్పు గోదావరి జిల్లా తడిసిముద్దవుతోంది. కాకినాడ, రాజమండ్రి కార్పొరేషన్లలో లోతట్టు ప్రాంతాలు నీటమునిగాయి. వర్షాలకు కోనసీమ ముంపుబారిన చిక్కుకుంది. డ్రెయిన్లు పొంగి పొర్లుతున్నాయి. తుని, పెద్దాపురం, పిఠాపురం సబ్ డివిజన్ల పరిధిలో సుమారు 5 వేల ఎకరాల్లో పూత దశలో ఉన్న పత్తి చేలల్లో నీరు నిలిచిపోయింది. డెల్టా పరిధిలో దాదాపు 20 వేల ఎకరాల్లో వరి చేలు నేలకొరిగాయి.
 
 మరోరోజు వర్షం కురిస్తే రెండు డెల్టాల్లోని డ్రెయిన్లు పోటెత్తి వరి చేలు ముంపు బారినపడే ప్రమాదం ఉందని రైతులు కలవరపడుతున్నారు. వైఎస్సార్ జిల్లాలో వర్షంతో 10 వేల ఎకరాల్లో వేరుశనగ, ఉల్లి 100, సజ్జ 120, 400 ఎకరాల్లో టమాటా పంటలకు నష్టం వాటిల్లింది. చామంతి తోటలు నీటమునిగాయి. నూర్పిడి దశలో ఉన్న వేరుశనగ పంటను రైతులు పీకేశారు. కడప-పులివెందుల ప్రధాన రహదారిలోని రామరాజుపల్లె వద్ద ఉన్న వాగు పొంగి పొర్లడంతో రాకపోకలకు ఆటంకం కలిగింది.

Courtesy : http://www.sakshi.com/news/top-news/crops-destroyed-by-heavy-rains-in-se...

Copy rights | Disclaimer | RKMP Policies